Мадагаскарда юз берган намойишлар пайтида мамлакатдан қочиб кетган собиқ президент Андри Ражоэлина фуқароликдан маҳрум этилди. Бу ҳақда BBC хабар берди.
Янги бош вазир Ҳеринцалама Ражаоанаривело имзолаган фармонга кўра, чет эл фуқаролигини олган шахслар Мадагаскар фуқаролигидан айрилади. 51 ёшли Ражоэлина бундан ўн йил аввал Франция фуқаролигини олган. Шу сабабли уни 2023 йилги президентлик сайловларидан четлатиш сўралган. Бироқ у бу чақириқларга бўйсунмади ва якунда ғалаба қозонди.
Сўнгги ҳафталарда Мадагаскарда электр ва сув таъминотидаги узилишлар сабабли оммавий норозилик намойишлари кучайди. Полковник Майкл Рандрианирина бошчилигида ҳарбийлар ҳокимиятни эгаллаб олди. Ражоэлина эса хавфсизлиги учун мамлакатдан қочиб кетганини айтди, бироқ унинг қаердалиги ҳозирча номаълум.
Сиёсатчи Мадагаскардаги сўнгги президентлик сайловларидан бир неча ой олдин француз фуқаролигига эга эканини ошкор қилганди. Ражоэлина бу қарорни фарзандларининг Францияда ўқишини осонлаштириш мақсадида сир тутганини айтган.
Сўнгги ҳафталарда Ражоэлина аввал энергетика вазирини, кейин бутун ҳукуматни истеъфога чиқарди, аммо бу чора ҳам унинг истеъфоси ҳақидаги талабларни тўхтата олмади.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Пенсионерлар ер ва мол-мулк солиғидан озод этилдими?
