Бразилиянинг амалдаги президенти Луис Инасиу Лула да Силва президентлик сайловларининг иккинчи турида ғалаба қозониб, давлат раҳбари лавозимида яна бир муддат ишлаш ҳуқуқини қўлга киритди.
Бу ҳақда Бразилия Олий сайлов судининг сайлов бюллетенларига оид баённомаларнинг 97,69 фоизи қайта ишланганидан кейинги маълумотларида қайд этилган. Овозларни ҳисоблашнинг ушбу босқичида амалдаги президентнинг ғалабаси математик жиҳатдан кафолатланган.
Сайлов комиссияси маълумотларига кўра, сўл қанотдаги Меҳнатчилар партияси етакчиси Лула да Силва 51,74 фоиз овоз тўплаган. Унинг рақиби, ўнг қанот мухолифати вакили, сенатор Флавиу Болсонару эса 48,26 фоиз овоз олган.
Шу тариқа, қолган овозлар ҳисоблаб чиқилганидан кейин ҳам Болсонару амалдаги президентдан ортда қолиш фарқини бартараф эта олмайди.
Лула да Силва Бразилиянинг замонавий тарихида президентлик сайловларининг биринчи турида рақибидан ортда қолиб, иккинчи турда ғалаба қозонишга эришган биринчи сиёсатчи бўлди.
Лула да Силванинг янги президентлик муддати 2027 йил 1 январдан бошланади.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
