Ливан ва Исроил бугун Вашингтонда бўлиб ўтган музокаралар давомида Қўшма Штатлар томонидан таклиф қилинган босқичма-босқич юмшатиш режасини муҳокама қилишни бошладилар.
Бу ҳақда Janoubia портали дипломатик манбаларга таяниб хабар берди.
Хабарга кўра, режа Исроил қўшинлари Ливан ҳудудидан босқичма-босқич чиқиб кетадиган 60 кунлик даврни қамраб олади. Шу билан бирга, Ливан армияси ва БМТнинг вақтинчалик тинчликпарвар кучлари сулҳнинг бузилиши ва ҳарбий ҳаракатларнинг қайта бошланишининг олдини олиш учун жанубий минтақаларга жойлаштирила бошлайди.
Портал маълумотларига кўра, Қўшма Штатлар музокараларда дарҳол ютуқ бўлишини кутмаяпти, аммо томонлар ўртасида ишончни тиклаш йўли сифатида қўшма қадамлар бўйича келишиб олишни кўриб чиқмоқда.
Ҳозирги босқичда Исроил ўз қўшинларини олиб чиқишни "Ҳизбуллоҳ"нинг жангари тузилмаларини тўлиқ тарқатиб юборишни ўз ичига олган аниқ хавфсизлик кафолатлари билан боғламоқда. Ливан томони, ўз навбатида, "Ҳизбуллоҳ"нинг қуроллари масаласи Ливан давлатининг ички масаласи эканлиги ва музокаралар учун шарт бўла олмаслиги тамойилига қатъий амал қилади. Байрут бу масала бўйича жиддий музокаралар фақат Исроил қўшинлари Ливандан тўлиқ олиб чиқилгандан кейингина бошланиши мумкин, деб ҳисоблайди.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
