Ливан президенти Сурияга жавоб тариқасида ўқ отишни буюрди

Ливан президенти Жозеф Аун армияга ўққа тутилишига жавоб беришни буюрди.

Президент Аун ёзма баёнотида, Сурия ва Ливан ўртасида 16 март оқшомида бошланган ўқ алмашишга ишора қилди.

"Шарқий ва шимоли-шарқий чегараларда содир бўлаётган воқеалар ҳеч қандай тарзда давом эта олмайди ва биз унинг давом этишини қабул қилмаймиз", - деди Аун ва армияга ўққа тутилишига жавоб бериш учун кўрсатма берганини қўшимча қилди.

Суриянинг расмий ахборот агентлиги SANA 16 март куни Мудофаа вазирлиги матбуот бюросига таяниб, “Ҳизбуллоҳ” аъзолари Сурия билан чегарада Сурия армиясининг уч аскарини пистирмага ўтказиб, уларни ўғирлаб кетишганини хабар қилди.

Бу маълумотларга кўра, “Ҳизбуллоҳ” аъзолари 3 нафар суриялик аскарни ўғирлаб, қатл қилган.

"Ҳизбуллоҳ", ўз навбатида, Сурия-Ливан чегарасидаги воқеаларга алоқаси йўқлигини таъкидлади.