Ливан, Исроилнинг кучли қаршилигига қарамай, БМТнинг Ливан жанубидаги тинчликпарвар кучларининг мандатини 2026 йилдан кейин ҳам узайтиришни сўрамоқда.
Бу ҳақда Financial Times нашри хабар бермоқда.
БМТ Хавфсизлик Кенгашига йўллаган мактубида Байрут UNIFIL миссиясининг 2026 йил 31 декабрда тугаши "вақтдан олдин" бўлишини таъкидлади ва амалдаги режимни чекланган муддатга узайтиришни сўради.
Франция ва Хавфсизлик Кенгашининг бошқа кўплаб аъзолари Ливаннинг илтимосини қўллаб-қувватладилар. 1978 йилда ташкил этилган UNIFILда ҳозирда 7000 дан ортиқ ходим мавжуд.
БМТ Бош котиби Антониу Гутерреш илгари Исроил расмийларини жанговар ҳаракатлар туфайли тинч аҳоли орасида қурбонлар сони ортиб бораётганини айтиб, Ливан жанубидаги ҳарбий операцияни тўхтатишга чақирган эди.
Аввалроқ Исроил мудофаа вазири Исраэл Кац Исроил қўшинлари "Ҳизбуллоҳ" кучлари қуролсизлантирилмагунча Ливанни тарк этмаслигини айтган эди.
Буқа 300 минг долларга сотилди
Никоҳ ёшига етмаганларга фақатгина иккита узрли сабаб билан оила қуришга рухсат берилади
"СИ шу ўн йиллик охирига келиб барчамизни ўлдириши мумкин"
