Ламин Ямал Миллатлар лигасида Гавининг рекордини ўзиники қилиб олди

17 ёшли Ламин Ямал Испания терма жамоасининг Нидерландияга қарши ўйинида гол уриб, Миллатлар лигаси рекордини ўрнатди.

Ёш вингер биринчи қўшимча бўлим охирида "тўқ сариқлар" дарвозасини ишғол қилиб, таблода 3:2 ҳисобини ўрнатди (чорак финалдаги икки ўйин натижасига кўра 5:4). Squawka хабарига кўра, Ямал Миллатлар лигаси тарихидаги энг ёш гол муаллифига айланди (17 ёшу 258 кун) - у 17 ёшу 304 кунлигида гол урган "Барселона"даги шериги Гавининг натижасини ортда қолдирди.