Ла Лига. "Реал" сафарда жуда қийин ғалабага эришда ва турнир жадвалида пешқадамликни қайтариб олди (ВИДЕО)

"Реал" Испания Ла Лигасининг 9-турида "Хетафе" меҳмони бўлди - 1:0.

Ягона гол Килиан Мбаппе ҳисобига ёзилди. Француз 80-дақиқада рақиб дарвозасини ишғол қилди. Мбаппе барча мусобақаларда кетма-кет 11-ўйинда гол урди.

77-дақиқада мезбонлар Аллан Ньомнинг четлатилишидан кейин бир киши кам бўлиб қолди. У захирадан майдонга тушганидан бир дақиқа ўтиб қизил карточка олди. 84-дақиқада "Хетафе"нинг яна бир футболчиси четлатилди - иккинчи сариқ карточкани Алекс Санкрис олди.

"Реал" (24 очко) Ла Лигада "Барселона"ни (22) ортда қолдириб, 1-ўринга чиқиб олди. "Хетафе" (11) турнир жадвалида 12-ўринда бормоқда.

Ла Лига, 9-тур
19 октябрь, якшанба, 23:59
Хетафе - Реал - 0:1
Голлар: Мбаппе, 80 (0:1)
Хетафе: Сория, Рико, Даконам, Дуарте, Иглесиас, Санкрис, Арамбарри, Милья, Мартин (Камара, 87), Кико Фемения (Ньом, 76), Лисо (да Коста, 90)
Реал: Куртуа, Каррерас, Алаба (Рауль Асенсио, 46), Эдер Милитау, Вальверде, Камавинга (Арда Гюлер, 65), Тчуамени, Родригу (Диас, 86), Беллингем (Гарсия, 86), Мастантуоно (Винисиус Жуниор, 55), Мбаппе
Огоҳлантиришлар: Дуарте, 48. Кико Фемения, 63. Санкрис, 74 - Тчуамени, 90
Четлатишлар: Ньом, 77. Санкрис, 84 (иккинчи сариқ карточка)