КХДР ҳарбийлари 9 май куни Москвадаги парадда қатнашади

Япониянинг NHK телерадиокомпанияси маълумотига кўра, гап тахминан бир неча ўнлаб шимолий кореялик ҳарбийлар ҳақида кетмоқда. Шунингдек, Шимолий Корея ҳарбий оркестри август ойи охирида Москвадаги мусиқий тадбирда қатнашади.

2024 йил ноябр ойида Россия Мудофаа вазирлиги матбуот хизмати Москва Пхенянга парадда иштирок этишни таклиф қилганини ёзган эди. Кейинроқ, вазирлик раҳбари Андрей Белоусов “Ғалаба паради”га 19 та "дўстона алоқаларга эга" мамлакатнинг ҳарбий бўлинмалари таклиф этилганини маълум қилди. Улардан 10 таси парадда иштирок этишини тасдиқлаган, улар орасида собиқ Совет иттифоқининг етти давлати ҳам бор.