Россия ва АҚШнинг амалдаги маъмурияти ўртасидаги қайта тикланган мулоқот бир қатор йўналишлар бўйича йўлга қўйилган ва мунтазам равишда амалга оширилмоқда. Бу ҳақда Россия Федерацияси президентининг ёрдамчиси Юрий Ушаков журналистларга маълум қилди.
"Таъкидлаб ўтмоқчиманки, Россия президенти амалдаги Америка маъмурияти билан қайта тикланган мулоқот давомида кўтарилаётган барча масалаларга жиддий эътибор қаратмоқда," - деди у.
Ушаковнинг айтишича, Путин Трампнинг сигналини қабул қилган ва агар Киев қуролларини ташлашни ва таслим бўлишни буюрса, Курск вилоятида қуршовда қолган украиналик ҳарбийларнинг ҳаётини ва уларга муносиб муносабатда бўлинишини кафолатлаган.
"Ҳозиргина кўриб ва эшитганингиздек, Россия президенти Владимир Путин АҚШ президенти Доналд Трампнинг Украина Қуролли Кучлари кириб борган ҳудудда, Курск вилоятида қуршовда қолган ва амалда ўраб олинган минглаб украиналик аскарларнинг тақдири ҳақидаги мурожаатига ижобий муносабат билдирди," - деди Ушаков журналистларга.
"АҚШ президентининг сигнали қабул қилинди ва президентимиз, агар Киев ўз ҳарбий хизматчиларига қуролларини топшириш ва таслим бўлиш ҳақида буйруқ берса, украиналик ҳарбий хизматчиларга ҳаёт кафолати ва муносиб муомала қилинишини ваъда қилди," дея у қўшимча қилди.
Путинга Украинадан "қўнғироқ қилишди"
Иккиланмай зарба берамиз: АҚШ Россияга очиқ таҳдид қилди!
Хитой Австралияни ўраб олди
