Украина бир зарба билан Россиянинг қўмондонлик пунктини йўқ қилди

Украина мудофаа кучлари Гуляйпол йўналишида Россия Қуролли Кучларининг Шарқий ҳарбий округига қарашли 189-мотоўқчи полкининг қўмондонлик пунктига зарба берди. Мазкур полк 35-умумқўшин армиясининг оператив бошқарувида бўлган.

Украина оммавий ахборот воситалари хабар қилишича, зарба полк раҳбариятининг йиғилиши ўтказилаётган пайтда берилган. Олинган маълумотларга кўра, 189-мотоўқчи полк қўмондони подполковник М.Н. Петров ҳалок бўлган. Тахминларга асосан, зарба оқибатида полкнинг яна 20 нафар ҳарбий хизматчиси ҳам ҳалок бўлган.