Комил Алламжонов Жорж Вашингтон университети президенти билан учрашди

Комил Алламжонов Жорж Вашингтон университети Маслаҳат кенгаши йиғилиши доирасида университет президенти Эллен Гранберг билан учрашди.

Учрашув давомида сунъий интеллект даврида олий таълимнинг келажаги, университетнинг янги ривожланиш стратегияси ва истиқболдаги устувор йўналишлари юзасидан мазмунли фикр алмашилди.

"Дунёнинг етакчи илм-фан ва таълим марказларидан бири бўлган мазкур университетнинг Маслаҳат кенгаши аъзоси сифатида унинг келгуси тараққиётига ўз ҳиссамни қўшиш мен учун катта шараф ва масъулиятдир", деб ёзади Алламжонов.