Қашқадарёнинг Китоб туманида мораторий талабларига зид равишда кўп йиллик Чинор дарахтлари кесиб ташланганлиги ҳолати ўрганиб чиқилди.
Экология инспекторлари аниқлаган ҳолатга кўра, яқинда «Китоб йўл қурилиш-таъмирлаш» МЧЖ томонидан 6 та кўп йиллик ғарб Чинори ноқонуний кесиб ташланган. Натижада табиатга 672 млн 860 минг сўмлик зарар етказилган.
Шунингдек, ўрганиш давомида Китоб тумани ҳокими қарорига асосан ўтган даврда Китоб-Шаҳрисабз автомобиль йўлини таъмирлаш баҳонасида 1146 та турли дарахтлар кесиб ташлангани маълум бўлди.
Аниқланган ҳолатлар бўйича барча ҳужжатлар прокуратура идораларига юборилган.