"Кипр"да март ойи бошида Британия ҳарбий базасига қилинган дрон ҳужумидан кейин вазият барқарорлашган. Бу ҳақда мамлакат энергетика вазири Михалис Дамианос давлат телевиденияси эфирида маълум қилди. Унинг сўзларига кўра, Европа Иттифоқи давлатлари вазирларининг барча режалаштирилган учрашувлари оролда одатий тартибда ўтказилади.
Ҳозирда "Европа Иттифоқи Кенгаши"га раислик қилаётган Кипр ҳужумдан кейин айрим тадбирларни вақтинча онлайн форматга ўтказган ёки кейинга қолдирган эди. Энди эса ҳукумат вакиллари хавф йўқлигини ва халқаро учрашувлар режага мувофиқ ўтказилишини билдирмоқда.
Кипр ҳукумати маълумотига кўра, дрон эҳтимол Shahed дрони турига мансуб бўлган ва Ливан томонидан учирилган бўлиши мумкин. Шунингдек, у Ҳизбуллоҳ гуруҳи билан боғлиқ бўлиши эҳтимоли айтилмоқда.
Кипр НАТО аъзоси эмас. Шу билан бирга, орол ҳалигача бўлинган ҳолатда қолмоқда: унинг шимолий қисми Туркия назоратида бўлиб, Туркия эса НАТО аъзоси ҳисобланади.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
