Украина 12-май, душанба кунидан бошлаб Россияга 30 кунлик тўлиқ ўт очишни тўхтатишни расман таклиф қилди.Бу ҳақда Украина ташқи ишлар вазири Андрей Сибига Х ижтимоий тармоғида маълум қилди.
“Украина ва барча иттифоқчилар қуруқликда, ҳавода ва денгизда камида 30 кун – душанбадан бошлаб тўлиқ ва сўзсиз ўт очишни тўхтатишга тайёр”, — деб ёзди у.
Киевнинг ғарбий ҳамкорлари ҳам бу ташаббусни қўллаб-қувватламоқда: АҚШ ҳам, Европанинг аксарият давлатлари ҳам бир ойлик оташкесим тинчлик музокараларига йўл очишига ишонмоқда. Бироқ, Кремль илгари бундай сулҳ форматига рози бўлмаган эди; бу сафар Москвадан ҳозирча ҳеч қандай жавоб келмади.
Бугун Киевда Украина президенти Владимир Зеленский Европа давлатлари раҳбарлари билан учрашди: Германия канслери Фридрих Мерц, Франция президенти Эммануел Макрон, Буюк Британия бош вазири Кир Стармер ва Польша бош вазири Доналд Туск Украина пойтахтига келди. Саммит якунлари бўйича улар АҚШ президенти Доналд Трамп билан қўшма телефон орқали мулоқот қилди.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
