Кичик Роналду Португалия ёшлар терма жамоасида дебют қилди

Кичик Криштиану Роналду Португалия ёшлар терма жамоаси сафида дебют жангини ўтказди. Бу ҳақда O Jogo журналистлари хабар берди.

15 ёшли ҳужумкор ярим ҳимоячи Туркия терма жамоасига қарши баҳсда иштирок этди. Криштиану ўйиннинг сўнгги дақиқасида захирадан майдонга тушди ва 1 дақиқа ўйнади. Португалия U16 терма жамоаси 2:0 ҳисобидаги ғалабани тантана қилди.

Эслатиб ўтамиз, Роналдунинг ўғли Саудия Арабистонининг "Ан-Наср" футбол академиясида таҳсил олади.