Келишиб газ нархини оширган 22 та АГТШ жаримага тортилди

Нукус шаҳридаги 22 та автомобилларга газ тўлдириш компрессор шохобчасига молиявий жарима қўлланди.

Рақобат қўмитаси фуқаро мурожаати асосида ўтказган ўрганишда шохобчалар бир вақтнинг ўзида 1 м³ сиқилган газ нархини ўртача 1050 сўмгача оширганини аниқлаган.

Махсус комиссия бу ҳаракатларни рақобатга қарши келишилган ҳаракат деб топиб, қонунбузилишни бартараф этиш бўйича мажбурий кўрсатмалар берган.

Қизиғи, қарордан норози бўлган 9 та тадбиркор судга мурожаат қилган. Бироқ суд Рақобат қўмитаси қарорларини қонуний деб топган.