Каталония терма жамоаси «Барса» стадионида Фаластинга қарши ўйин ўтказиши мумкин

Каталония терма жамоаси Фаластин билан ўртоқлик ўйини ўтказиши мумкин.

Каталония футбол федерацияси 18 ноябрь куни "Барселона" уй ўйинларини ўтказаётган "Олимпик Льюис Компанис" стадионида бўлиб ўтиши мумкин бўлган ушбу ўйинни ташкил этиш устида ишламоқда.

Учрашувни Таррагонда ўтказиш варианти ҳам кўриб чиқилмоқда.

Эътиборлиси, ЖЧ-2026 саралашининг сўнгги туридан ўрин олган Испания - Туркия учрашуви 18 ноябрь куни Севилья шаҳрида ўтказилиши режалаштирилган.