Хабарингиз бор, Каспий денгизи бўйи давлатларининг олтинчи саммити Ашхободда бўлиб ўтди. Таъкидланишича, еттинчи Каспий саммити белгиланган муддатда Эрон Ислом Республикасида бўлиб ўтади.
Қозоғистон Президенти Қасим-Жомарт Тоқаев йиғилишда сўзга чиқиб, Каспий денгизи озиқ-овқат хабини яратишни таклиф қилди.
Эслатиб ўтамиз, Қозоғистон Президенти Каспийбўйи давлатларининг олтинчи саммитида иштирок этиш учун Ашхободга амалий ташриф билан борган эди. Ташриф доирасида Қасим-Жомарт Тоқаев Туркманистон Президенти Сердар Бердимуҳамедов ва Туркманистоннинг собиқ президенти, Халқ маслаҳати Миллий кенгаши раиси Гурбангули Бердимуҳамедов билан учрашди.
