"Тайван мустақиллиги ибораси орол Хитойга тегишли эмаслигини ва унга бўйсунмаслигини ҳамда фақат Тайван халқи ўз тақдирини ўзи ҳал қилиши мумкинлигини англатади", — деб баёнот берди якшанба куни Тайван президенти Лай Цзин-тэ.
Унинг таъкидлашича, ҳукумат Тайван суверенитетини бузиш ва унинг ҳудудини аннексия қилиш мумкин эмас, деган позицияга қатъий амал қилади.
Лайнинг ушбу баёноти АҚШ президенти Доналд Трамп ва Си Жинпин ўртасида Пекинда бўлиб ўтган учрашувдан бир неча кун ўтиб янгради. Мазкур учрашувдан сўнг Трамп, Хитой ўз ҳудуди деб ҳисоблайдиган ва унга нисбатан куч ишлатиш эҳтимолини истисно этмаётган орол масаласида "ҳеч бир томонга ҳеч қандай ваъда бермаганини" маълум қилган эди.
Музокаралардан сўнг Трамп, шунингдек, яқин вақт ичида Тайванга қиймати 11 миллиард долларлик навбатдаги қурол-яроғ партиясини сотишни маъқуллаш ёки маъқулламаслик бўйича бир қарорга келишини айтган.
Яна бир давлат Эронга махфий равишда ҳужум уюштирган
Ҳарбий қўмондонлик Путинни Россия армияси кузгача бутун Донбассни эгаллашига ишонтирди
Ўзбекистоннинг 9 та вилоятида сел хавфи эълон қилинди
