Электр ва газ нархлари бўйича ҳукумат қарори қабул қилинди

Вазирлар Маҳкамасининг тегишли қарори билан 2026 йил 1 июндан бошлаб электр энергияси ва табиий газнинг янги тарифлари тасдиқланди.

Унга кўра, юридик шахслар (I ва II гуруҳ) ҳамда IV гуруҳ истеъмолчилари учун электр энергиясининг 1 кВт соати 1 100 сўм, табиий газ эса барча истеъмолчилар учун 2 000 сўм (АГТКШлар учун 2 750 сўм) этиб белгиланди.

Аҳоли (III гуруҳ) учун табақалаштирилган тарифлар ва ижтимоий норма тизими сақлаб қолинди:
Электр энергияси (ойига 200 кВтс гача): маиший истеъмолчиларга — 650 сўм, марказлашган электр плитали уйларда — 325 сўм.
Табиий газ (лимит доирасида): иситиш мавсумида 500 куб метргача, бошқа мавсумларда 100 куб метргача — 1 100 сўм.