Карло Анчелотти олдида иккита таклиф бор

Мадриднинг "Реал" клуби устози Карло Анчелотти мавсум якунида жамоани тарк этиши мумкин.

Fichajes хабарига кўра, 65 ёшли мутахассис фаолиятини давом эттириш учун икки вариантни кўриб чиқмоқда: Бразилия терма жамоаси ёки Саудия Арабистони чемпионати клубларидан бири.

Манбага кўра, Анчелотти "Реал" бошқарувида сўнгги ойларини ўтказмоқда. Бразилия терма жамоаси раҳбарияти италиялик мураббийга анчадан буён қизиқиш билдирмоқда ва унга шартнома таклиф қилишга тайёр. Бундан ташқари, Саудия Арабистони клублари Карлога катта маош таклиф қилмоқда.