Америкалик рэпер Канье Уэстнинг Санкт-Петербургда 10 ва 11 октябрь кунлари «Газпром Арена»да ўтказилиши режалаштирилган концертлари бекор қилинди.
«Коммерсантъ» манбаларига кўра, рэперга тахминан 20 миллион доллар тўланган. Бу маблағнинг бир қисми унинг ижодий жамоаси харажатларига мўлжалланган. Манбалар таъкидлашича, шартномада концертлар бекор қилинган тақдирда гонорарни қайтариш мажбурияти назарда тутилмаган.
Ташкилотчилар 12 октябрдан чипталар учун тўланган маблағларни қайтаришни бошлашини билдирган. Шу билан бирга, норози томошабинлар томонидан камида тўққизта даъво аризаси судга киритилган.
Айни пайтда «Сэй Эйдженси» раҳбари Анна Субчева Канье Уэстга 20 миллион доллар тўлангани ҳақидаги маълумотни «мутлақо ёлғон» деб атади. У ташкилотчиларнинг зарари катта эмаслигини таъкидлади.
«Дождь» телеканали эса концертларнинг бекор қилинишига Владимир Познернинг рафиқаси Надежда Соловьёва алоқадор бўлиши мумкинлигини хабар қилди. Телеканал маълумотига кўра, Соловьёванинг «САВ Энтертейнмент» агентлиги ва промоутер Евгений Финкельштейн дастлаб Канье Уэст концертларини ташкил этишга ҳаракат қилган. Бироқ Анна Субчеванинг «Сэй Эйдженси» рэперга юқорироқ гонорар таклиф қилиб, шартномани қўлга киритган.
«Дождь» таъкидлашича, Соловьёва ва Финкельштейн концертларни бекор қилдириш учун иккинчи хизмат ФСБдаги алоқаларидан фойдаланган бўлиши мумкин. Бу маълумот ҳозирча расман тасдиқланмаган.
Исроилда парламент сайловлари якунланди: Нетаньяху учун кутилмаган натижа
1-ноябрдан иссиқ сув ва иссиқлик энергияси нархлари 30% га ошади
Эстонияда асфальт тугади
