Олимлар 2023 йилда Канадани қамраб олган йирик ўрмон ёнғинлари тутуни бутун дунё бўйлаб 82 100 кишининг бевақт ўлишига сабаб бўлганини аниқлашди.
Канада, АҚШ ва Хитой тадқиқотчилари май–сентябр ойлари орасида юз берган ёнғинлар натижасида ҳаво ифлосланишининг инсон саломатлигига таъсирини ўрганиш учун сунъий йўлдош кузатувлари ва турли компьютер моделларидан фойдаланишди.
Тадқиқот натижаларига кўра, Канада ёнғинлари тутуни АҚШнинг шимоли-шарқи ва Европанинг ғарбий соҳилларига етиб борган ва дунё миқёсида 82 мингдан ортиқ erta ўлимга сабаб бўлган. Улардан 64,3 минг нафари Шимолий Америка ва Европада қайд этилган. Фақат 26 июн – 7 июл кунлари орасидаёқ АҚШ ва Канадада 5,4 мингга яқин тўсатдан ўлимлар айнан ушбу ёнғинлар билан боғлиқ бўлган.
Шунингдек, олимлар узоқ вақт давом этган ёнғинлар глобал миқёсда майда заррачалар (PM2.5) чиқиндиларининг тахминан 13 фоизини ташкил қилганини ва йиллик кўрсаткични 0,17 га оширганини аниқладилар.
Тадқиқотчиларнинг таъкидлашича, бундай ёнғинлар ҳатто бир йил ичидаёқ глобал углерод айланиши, экотизимлар, ҳаво сифати ва инсон саломатлигига катта таъсир кўрсатиши мумкин. Улар, шунингдек, иқлим ўзгариши бу салбий таъсирларни кучайтираётганини ва одамларни ҳимоя қилиш учун erta огоҳлантириш тизимлари, ҳаво сифатини башорат қилиш ва халқаро ҳамкорлик муҳимлигини урғулашди.
Тадқиқот Nature журналида чоп этилган.
2023 йилдаги Канада ёнғинлари мамлакат тарихидаги энг йирик ва сўнгги ўн йилликда дунёда кузатилган энг катта ёнғинлардан бири бўлди.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Ўзбекистонга қайтаётган бебаҳо мерос
