Калифорния губернатори фавқулодда ҳолат эълон қилди

АҚШнинг Калифорния штатида 7,0 магнитудали зилзиладан кейин фавқулодда ҳолат эълон қилинди.

Бу ҳақда штат губернатори Гэвин Ньюс маълум қилди.

"Бугун эрталабки 7,0 магнитудали зилзила учун фавқулодда чоралар кўриш учун зарур бўлган жойларга кўпроқ ресурсларни сарфлашга рухсат бериш учун мен ҳозиргина фавқулодда ҳолатни тасдиқладим”, деб ёзди у ижтимоий тармоқдаги Х саҳифасида.

Ньюс, шунингдек, унинг жамоаси штат аҳолиси хавфсизлигини таъминлаш учун тезкор иш олиб бораётганини таъкидлади.

Эслатиб ўтамиз, Шимолий Калифорнияда 7,0 магнитудали зилзила содир бўлган, шундан сўнг АҚШнинг ғарбий соҳиллари учун цунами ҳақида огоҳлантириш эълон қилинган, ўша куни кечроқ бу бекор қилинган эди.