Жиззахда эркак танишини пичоқлади

Жиззах вилояти Мирзачўл туманида 3 май куни эркак хотинини енгил табиат деб атаган танишини пичоқлади.

Маълум қилинишича, шу куни Мирзадала шаҳарча МФЙ ва Ғалаба маҳалласида яшовчи икки нафар фуқаро беш нафар танишлари билан биргаликда Дўстлик маҳалласидаги кафеда спиртли ичимлик истеъмол қилади.

Суҳбат пайтида эса эркаклардан бири иккинчисининг хотинини енгилтабиат деб атаган. Бундан жаҳли чиққан фуқаро пичоқ билан танишининг турли жойларига уриб, тан жароҳати етказган. Оқибатда жабрланувчи туман тиббиёт бирлашмасининг жонлантириш бўлимида кўрсатилган тиббий муолажаларга қарамасдан вафот этган.

Ҳозирда мазкур ҳолат юзасидан Жиноят кодексининг 104-моддаси (Қасддан баданга оғир шикаст етказиш) 3-қисми «д» банди билан жиноят иши қўзғатилиб, дастлабки тергов ҳаракатлари олиб борилмоқда.