Бугун 16 ноябрь, 2026 йил, душанба

O'ZB

Женсен Хуангнинг ажрашиши дунёдаги энг қиммат ажримга айланиши мумкин

Женсен Хуангнинг ажрашиши дунёдаги энг қиммат ажримга айланиши мумкин

Женсен Хуангнинг ажрашиши дунёдаги энг қиммат ажримга айланиши мумкин — 70 миллиард доллардан ортиқ.

Nvidia компанияси ҳаммуассиси Женсен Хуанг атрофидаги можароларга яна бир шов-шувли воқеа қўшилиши мумкин. Гап дунёдаги энг қиммат ажрим ҳақида кетмоқда.

Компаниянинг собиқ бош директори Женсен Хуанг бир нечта аёл билан ишқий муносабатларда бўлганликда айбланмоқда. Улар орасида Хитой разведкаси билан алоқадор бўлиши мумкинлиги тахмин қилинаётган Элис Хуанг ҳам бор.

Ҳозирча унинг рафиқаси Лори Хуанг ажрашиш учун ариза бериши ёки бермаслиги номаълум. Бироқ бундай ҳолат юз берса, у жуда катта бойликка эга бўлиши мумкин.

Хуанглар оиласи 41 йилдан бери бирга яшаб келади. Улар Орегон штати университетида электротехника бўйича таҳсил олаётган пайтларида танишишган. Уларнинг вояга етган икки фарзанди ҳам Nvidia компаниясида ишлайди.

Оила Калифорнияда яшайди. Бу штатда, агар бошқача келишув мавжуд бўлмаса, никоҳ давомида орттирилган умумий мол-мулк, одатда, эр-хотин ўртасида тенг тақсимланади.

Агар улар ажрашса, тақсимланадиган маблағ миқдори астрономик даражага етиши мумкин. Forbes маълумотларига кўра, шу ҳафта акциялар нархи пасайганига қарамай, Женсен Хуангнинг бойлиги ҳануз 143 миллиард долларни ташкил этмоқда.

Назарий жиҳатдан, Лори Хуанг 70 миллиард доллардан ортиқ маблағ олиши мумкин. Бу тарихдаги энг йирик мол-мулк тақсимотларидан бири бўлар эди.

Бироқ жуфтлик ўртасида никоҳ шартномаси ёки бошқа молиявий келишувлар мавжудлиги ҳозирча номаълум.

Ҳозирги рекорд — 76 миллиард доллар

Айни пайтда дунёдаги энг қиммат ажрим сифатида Microsoft компанияси ҳаммуассиси Билл Гейтснинг ажрашиши эътироф этилади. Унинг собиқ рафиқаси Мелинда Гейтс тахминан 76 миллиард доллар олгани айтилган.

Яна бир шунга ўхшаш ҳолат Amazon асосчиси Жефф Безос билан боғлиқ. У 2019 йилда собиқ рафиқаси Маккензи Скоттга ўша пайтда қиймати 38,3 миллиард доллар бўлган акцияларни, яъни компаниянинг 4 фоиз улушини топширган.

Шундан бери Маккензи Скотт 2700 дан ортиқ ташкилотга қарийб 26,4 миллиард доллар хайрия қилган.

У, айниқса, таълим муассасаларини қўллаб-қувватлаш, аёллар ва камситиладиган гуруҳларга ёрдам бериш, камбағалликка қарши курашиш ҳамда иқлимни муҳофаза қилиш йўналишларига катта эътибор қаратмоқда.

Киритилди: 20:52 15.11.2026. Ўқилди: 573 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар