Женсен Хуанг Россия компаниялари учун қимматли кадр бўлиши мумкин

Бу фикрни Давлат думаси вакили Антон Горелкин билдирди.

Горелкиннинг таъкидлашича, Хуанг 30 йил аввал NVIDIA’га асос солиб, уни триллион долларлик компанияга айлантирган. У процессорлар ишлаб чиқариш ва сунъий интеллект соҳасида катта тажрибага эга.

"NVIDIA рақобатчилари учун бундан-да катта совғани тасаввур қилиш қийин. Бундай мутахассисни ўз сафига жалб қилиш учун компаниялар йиллаб изланишларга миллиардлаб доллар сарфлайди. Ёки бутун технологик империяни барпо этган ва унинг қандай ишлашини яхши биладиган инсонни таклиф қилиш мумкин", — деди у.

Хуангнинг тажрибаси Россияда микроэлектроника ва сунъий интеллектни ривожлантиришда қўл келиши мумкин. У мутахассисни шахсий ҳаётига эмас, касбий натижаларига қараб баҳолаш кераклигини айтди.