Эроннинг "Истиқлол" клуби ярим ҳимоячиси Жалолиддин Машарипов Ўзбекистон терма жамоасинниг бугунги машғулотида ОАВ вакиллари билан суҳбатда бўлди.
"Терма жамоада тайёргарлик учун кўп вақт йўқ. Шунга қарамасдан, терма жамоа муҳитига тезроқ киришиб олишимиз керак. Чунки олдимизда жуда ҳам керакли ва муҳим ўйинлар турибди. Худо хоҳласа, тайёрмиз.
Абдуқодир "планка"ни жуда ҳам кўтариб юборди. Бундан хурсандмиз. Агар жаҳон чемпионатига чиқсак, бу ҳолат ўзбек футболчиларига ҳам, ўзбекистонлик мухлисларга ҳам яхши бўлади. Боиси, Европа футболи мутахассислар энди ўзбекистонлик ўйинчиларни диққат билан кузатишади. Натижада бошқа футболчиларнинг Европа клубларига ўтиш имконияти ошади. Остон Ўрунов, Аббос Файзуллаев каби ўйинларда бунинг учун катта имконият бор.
Қирғизистон — яхши рақиб. Уларни ҳурмат қиламиз. Ҳозирги пайтда рақибни менсимасдан майдонга тушсак, ютқазиб қўйишимиз мумкин. Бундан ўйинларнинг кўпини кўрганмиз. Лекин ўз уйимизда қандай жамоа эканимизни, қандай футболчиларга эга эканимизни, қандай мухлисларимиз борлигини кўрсатиб қўйишимиз керак. Мухлисларимиз биздан ғалаба кутиб турганини биламиз. Уларни хурсанд қиламиз, деган умиддаман", — деди Жалолиддин Машарипов.
Абдуқодир Ҳусановнинг нархи рекорд даражада кўтарилди
Аббос Файзуллаевнинг Россиядан кетадиган вақти келдими?
«Ман Сити» раҳбари ёзда Гвардиола билан хайрлашишга қарор қилди. Унинг ўрнига асосий номзод маълум
