Исроил ХАМАС ҳаракатини Қатар томонидан таклиф этилган ўт очишни тўхтатиш режасига ўзгартиришлар киритишга уринганликда айблаб, бу ўзгартиришларни қабул қилиб бўлмаслигини маълум қилди.
Исроил Бош вазири девони тарқатган баёнотда айтилишича, шанбага ўтар кечаси ХАМАС Қатар воситачилари томонидан илгари тақдим этилган келишув лойиҳасига ўзгартиришлар киритиш бўйича таклифларини Исроил томонига етказган.
«ХАМАС Қатар таклифига киритмоқчи бўлган ўзгартишлар Исроил учун қабул қилиб бўлмас», — дейилади баёнотда.
Шу билан бирга, Исроил бош вазири Биньямин Нетаньяҳу Ғазода асирликда сақланаётган шахсларни озод этиш бўйича ҳаракатларни ва билвосита музокараларни давом эттиришни топширган.
Кутилишича, Исроил музокарачилар гуруҳи яқин вақт ичида Қатарга йўл олади ва ўт очишни тўхтатиш ҳамда асирларни алмашиш бўйича навбатдаги музокараларда иштирок этади.
Жума куни кечқурун ХАМАС воситачиларга Исроил билан ўт очишни тўхтатиш бўйича таклифга ижобий жавобини берган ҳамда келишувни амалга ошириш ва асирларни алмашиш бўйича музокараларга тайёрлигини билдирган эди.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
