Исроил ХАМАСдан Ғазо сектори ҳудудида зудлик билан қуролсизланишни талаб қилишга чақирди

Исроил ХАМАСдан Ғазо сектори ҳудудида зудлик билан қуролсизланишни талаб қилишга чақирди

Исроил АҚШ президенти Дональд Трампнинг тинчлик режасини амалга ошириш учун халқаро воситачиларни Фаластиннинг ХАМАС ҳаракатидан Ғазо секторининг бутун ҳудудида зудлик билан қуролсизланишни талаб қилишга чақирди.

The Times of Israel нашри хабар беришича, бу ҳақда Исроил бош вазири Биньямин Нетаньяху маъмурияти баёнотида маълум қилинган.

«Исроил воситачиларни Трампнинг 20 банддан иборат режасини амалга ошириш учун ХАМАСдан Ғазо сектори ҳудудида зудлик билан қуролсизланишни талаб қилишга чақирмоқда», — дейилади баёнотда.

Бош вазир маъмурияти таъкидлашича, АҚШ режасига мувофиқ, ХАМАС қуролларини топшириши, Ғазо сектори эса тиклаш ишлари бошланишидан олдин ҳарбийлаштирилмаган ҳудудга айлантирилиши керак.

«Бугунги кунга қадар ХАМАС бирорта ҳам қуролини топширгани йўқ», — дейилади баёнотда.

Шунингдек, Исроил АҚШ ва Тинчлик кенгаши билан яқин ҳамкорлик қилаётгани ҳамда Трамп режасини муваффақиятли амалга ошириш тарафдори бўлиб қолаётгани қайд этилган.