Исроил Ғазода бошлаган геноцидни Ғарбий Соҳилда якунламоқчи - Фаластин

Фаластин раҳбарияти Исроилнинг Ғарбий Соҳил шимолий қисмига қарши ҳужумларини қоралади.

Матбуот котиби Набил Абу Рудейна Исроилнинг босиб олинган Фаластин ҳудудларидаги "вайронкор тажовузини" кескин танқид қилди.

Унинг айтишича, Исроил ҳарбий кучлари уй-жойлар ва маҳаллаларни портлатиб, инфратузилмани, айниқса Женин, Тулкарем, Тубас ва Фаръада тизимли равишда йўқ қилмоқда.

Расмий Vafa ахборот агентлиги хабар беришича, матбуот котибининг огоҳлантиришига кўра, Исроил Ғазода бошлаган "геноцид"ни Фаластин маҳаллаларига бостириб кириш, аҳоли пунктларини кенгайтириш ҳамда босиб олинган Ғарбий Соҳилдаги фуқароларни ўлдириш ва ҳибсга олиш орқали якунлашга уринмоқда.