Исроил армияси Ғазо аҳолисини эвакуация қилиш учун қўшимча йўлак очди

Чоршанба куни Исроил мудофаа кучлари фаластинликлар Ғазо шаҳрини 48 соатга тарк этишлари учун қўшимча хавфсиз йўлак очаётганини эълон қилди.

Бу ҳақда Reuters агентлиги Исроил армияси матбуот хизматига таяниб хабар бермоқда.

Нашрнинг қайд этишича, коридор ХАМАС гуруҳига қарши операция давомида тинч аҳолини шаҳардан эвакуация қилиш ҳаракатлари доирасида очилган.

Хабар берганимиздек, Исроил 16 сентябрга ўтар кечаси Фаластиннинг Ғазо шаҳри устидан назорат ўрнатиш мақсадида қуруқликдан ҳужум бошлади.