Қуддус маъмурияти масжид атрофидаги қарийб йигирмата фаластинлик объектини мусодара қилиш ва маҳаллий аҳолини кўчириш режаси ҳақида огоҳлантирди.
Қуддусдаги Фаластин губернаторлиги Исроил ҳукумати Ал-Ақсо масжиди яқинидаги қарийб 20 та кўчмас мулк объектини мусодара қилишни режалаштираётгани ҳақида маълум қилди. Баёнотда бу қадам «янги мустамлакачилик кескинлашуви» деб аталган.
Губернаторлик маълумотига кўра, Исроил ҳукумати якшанба куни Ал-Ақсо масжиди яқинида жойлашган Боб ас-Силсила ҳудудидаги фаластинликларга тегишли мулкларни мусодара қилиш режасини тасдиқлашга тайёрланмоқда. Режага кўра, аҳолини кўчириш ва посёлкаларни кенгайтириш учун фаластинлик савдо дўконларини ёпиш кўзда тутилган.
Маълум қилинишича, объектлар қаторига Усмонийлар империяси, Мамлуклар ва Айюбийлар даврига оид 15–20 та бино ҳамда исломий вақф мулклари киради. Боб ас-Силсила ҳудуди Ал-Ақсо масжидига олиб борувчи энг муҳим кириш йўлларидан бири ҳисобланади.
Губернаторликка кўра, бундай ҳаракатлар Шарқий Қуддуснинг Эски шаҳар қисмидаги мавжуд статус-квони ўзгартириш ва ислом динида муқаддаслиги жиҳатидан учинчи ўринда турувчи қадамжо атрофидан фаластинлик аҳолини сиқиб чиқаришга қаратилган. Шунингдек, бу қадам мажбурий кўчиришнинг янги босқичини бошлаб бериши ва тарихий фаластин мулклари устидан назоратни кучайтириши мумкинлиги таъкидланган.
Яна бир давлат Эронга махфий равишда ҳужум уюштирган
Орол Пекинга тегишли эмас ва унга бўйсунмайди
Россия Украина раҳбариятини йўқ қилишни режалаштирмоқда
