Россия жорий ҳафтада Владимир Путиннинг Хитойга уюштирадиган ташрифига катта умид боғламоқда. Дмитрий Песковнинг маълум қилишича, икки томон ушбу учрашувдан ўзларининг "имтиёзли шериклик" алоқаларини янада ривожлантириш учун фойдаланади.
Қайд этилишича, Путин сешанба ва чоршанба кунлари Хитойда бўлади. Бу ташриф АҚШ президенти Доналд Трамп Пекинда Си Жинпин билан музокаралар ўтказиб кетганидан бир ҳафта ўтмай амалга оширилмоқда.
Кремл матбуот котиби Дмитрий Песков ушбу ташриф ҳақида баёнот берди. "Биз ушбу ташрифдан жуда жиддий умидлар кутмоқдамиз. Биз ва хитойлик дўстларимиз буни алоҳида имтиёзли ва стратегик шериклик деб атаймиз", – дейди у.
Унинг сўзларига кўра, Россия делегацияси таркибидан бош вазир ўринбосарлари, тегишли вазирлар ва йирик компаниялар раҳбарлари жой олган.
Журналистлар Песковдан музокараларда Россиянинг Арктикадаги конларидан Монголия орқали Хитойга йилига қўшимча 50 миллиард куб метр газ етказиб бериши кутилаётган "Сибир қуввати-2" (Сила Сибири-2) газ қувури лойиҳаси муҳокама қилиниши ёки қилинмаслиги ҳақида сўрашди.
"Икки томонлама муносабатларимизнинг иқтисодий кун тартибига киритилган барча масалалар, шубҳасиз, кўриб чиқилади", — дея жавоб берди Кремл вакили.
Яна бир давлат Эронга махфий равишда ҳужум уюштирган
Россия Украина раҳбариятини йўқ қилишни режалаштирмоқда
Зеленскийни ағдариш режаси фош бўлди
