Исроил Бош вазири Бинямин Нетаняху 2009 йилда Эронга қарши эҳтимолий ҳарбий ҳаракатлар бошланса, мамлакат тезда тизим сифатида “қулаш”и мумкинлигини айтган. Бу ҳақда АҚШ Марказий разведка бошқармаси ва Пентагоннинг собиқ раҳбари Роберт Гейтс маълум қилди.
Гейтснинг сўзларига кўра, у бу фикрни Нетаняху билан 2009 йил июл ойида бўлиб ўтган суҳбатда эшитган ва ўшандаёқ бу баҳога қўшилмаган.
“Мен унга у мутлақо хато қилаётганини ва эронликларнинг чидамлилигини паст баҳолашини айтган эдим”, — деди Гейтс.
Собиқ амалдор Нетаняхунинг фикрлари Исроилнинг аввалги ҳарбий операциялари тажрибасига таянганини ҳам таъкидлади. У 1981 йилда Ироқдаги ядровий реакторга қилинган ҳужум ва кейинчалик Суриядаги “Дейр-эз-Зор” объектига зарба мисол қилиб келтирилганини айтди. Ушбу операцияларда душман томонидан катта жавоб қайтарилмагани Исроил раҳбариятининг баҳоларига таъсир қилган бўлиши мумкинлиги қайд этилди.
Яна бир давлат Эронга махфий равишда ҳужум уюштирган
Ўзбекистоннинг 9 та вилоятида сел хавфи эълон қилинди
1 июндан электр энергияси ва табиий газнинг янги тарифлари жорий этилади
