Испания футболида юз берган фожиали воқеа Криштиану Роналдуни ҳам бефарқ қолдирмади. Португалиялик юлдуз 30 ёшида ҳаётдан кўз юмган "Тенерифе" ҳужумчиси Хесус де Мигелнинг яқинларига ҳамдардлик билдирди.
"Бу фожиа. Сўз тополмаяпман. Оиласига куч-қувват тилайман. Жойи жаннатда бўлсин", — деб ёзди Роналду ижтимоий тармоқда.
Фожиа 2 ноябрь куни Испания иккинчи дивизионидаги "Тенерифе" ва "Андорра" ўртасидаги баҳсда содир бўлган.
Учрашув якунига яқин де Мигел рақиб дарвозабони Хесус Овоно билан қаттиқ тўқнашган. Шундан сўнг футболчининг юраги тўхтаб, у майдонда ҳушини йўқотган.
Тиббиёт ходимлари унга шошилинч ёрдам кўрсатиб, шифохонага етказган. Бироқ шифокорларнинг саъй-ҳаракатларига қарамай, футболчи 3 ноябрь куни вафот этган.
Хесус де Мигел 2025 йил ёзидан буён "Тенерифе" шарафини ҳимоя қилиб келаётган эди.
«Ан-Наср» уч нафар юлдузисиз Ўзбекистонга ташриф буюрди
Туркияда ўзбек футболчилари шоу кўрсатди: Шомуродов ва Файзуллаевдан голлар
«2010 йилда мендан «Олтин тўп»ни ўғирлашган»
