Испанияда "Тенерифе" футболчисининг ўлими юзасидан тергов бошланди

Испанияда "Тенерифе" ҳужумчиси Хесус де Мигелнинг ўлими юзасидан расмий тергов бошланди.

Фожиали воқеа Сегунданинг 12-туридан ўрин олган "Тенерифе" – "Андорра" учрашувида содир бўлганди. Иккинчи бўлимга қўшиб берилган еттинчи дақиқада меҳмонлар дарвозабони Хесус Овоно майдон марказида тўп учун курашда де Мигелни қўполлик билан йиқитган ва тўғридан-тўғри қизил карточка олганди.

Зарбадан кейин 30 ёшли ҳужумчи майдонда ҳушини йўқотган. Хабарларга кўра, футболчининг юраги ва нафас олиши қарийб 20 дақиқа давомида тўхтаб қолган. Шифохонага олиб кетилаётган вақтда унга юрак-ўпка реанимацияси ўтказилган.

Бироқ "Тенерифе" клуби бугун испаниялик футболчининг вафот этганини эълон қилди.

Шундан сўнг Испания Миллий полициясининг қотиллик ҳолатларини тергов қилиш бўлими де Мигелнинг ўлими билан боғлиқ ҳолатларни ўрганишга киришди. Иш судга оширилган.