Россия Федерацияси президентининг матбуот котиби Дмитрий Песков Полша бош вазири Доналд Тускнинг бир кун олдин Россия халқаро авиакомпанияларга қарши террорчилик ҳаракатларини тайёрлаётгани ҳақидаги баёнотига изоҳ берди. Бу ҳақда "Медуза" хабар бермоқда.
"Умуман олганда, бу Россияга қарши яна бир мутлақо асоссиз айбловдир. Полша бундай асоссиз айбловлар билан танилган. Кўпинча у ҳатто бошқа Европа мамлакатларига нисбатан бу борада етакчиликни сақлаб қолишга уринмоқда," - деди Песков журналистлар учун брифингда.
Доналд Туск 16-январ куни "Россия ҳаво террорини нафақат Полшага, балки бутун дунёдаги авиакомпанияларга қарши ҳам режалаштирганини" маълум қилди.
Ўтган йилнинг ноябр ойида The Wall Street Journal газетаси манбаларга таяниб хабар беришича, Россия ҳарбий разведкаси Европадан АҚШ ва Канадага учаётган юк ва йўловчи самолётларига ўт қўйишни режалаштирган экан.
Шавкат Мирзиёев «Манчестер Сити» футбол клуби хўжайини билан учрашди
"Кутилмаган томондан келган зарба": Эроннинг бу қарорига одамлар нима деяпти?
РФ учун яна бир “бош оғриқ” пайдо бўлди
