Ироқ бугун Яқин Шарқдаги энг мураккаб давлатлардан бири ҳисобланади. Мамлакат аҳолисининг асосий қисмини араб-шиалар ташкил қилади. Шунингдек, араб-суннийлар ва курдлар ҳам давлат сиёсатининг асосий иштирокчилари ҳисобланади. Мамлакатдаги сиёсий тизим айнан шу уч куч ўртасидаги мувозанатга қурилган.
Ироқда ҳокимият “мухасаса” деб аталувчи норасмий квота тизими асосида тақсимланади. Унга кўра бош вазир доимо шиалардан, парламент спикери суннийлардан, президент эса курдлардан бўлади. Бу тизим Саддам Ҳусайн ағдарилганидан кейин мамлакатни парчаланишдан сақлаб қолиш учун жорий қилинган.
Аммо амалда бу тизим давлатни кучайтириш ўрнига партиялар ва кланлар ўртасидаги савдолашув механизмига айланган. Вазирликлар ва давлат идоралари муайян партиялар назоратига ўтиб кетгани сабаб коррупция, таниш-билишчилик ва ресурслар учун кураш кучайган.
Яна бир давлат Эронга махфий равишда ҳужум уюштирган
Ўзбекистоннинг 9 та вилоятида сел хавфи эълон қилинди
1 июндан электр энергияси ва табиий газнинг янги тарифлари жорий этилади
