Иордания Давлат хавфсизлиги суди 23 октябрь куни Эл-Карак вилоятидаги православ черковига ҳужум қилган уч нафар шахсни ўлим жазосига ҳукм қилди.
Бу ҳақда Petra ахборот агентлиги маълум қилган.
Суд айбланувчиларни одамлар ўлимига сабаб бўлган террорчилик фаолиятининг тўққизта эпизоди, шунингдек, қурол ва ўқ-дорилардан фойдаланган ҳолда ҳужумлар уюштириш, қуролли терактларга тайёргарлик кўриш ҳамда террорчилик гуруҳи тарғиботини тарқатишда айбдор деб топди. Ҳукм қилинганлардан бири террорчилик фаолиятини молиялаштиришда ҳам айбдор деб топилган.
Ҳукм устидан апелляция шикояти бериш мумкин. Бундан ташқари, Иордания қонунчилигига мувофиқ, у Кассация судида мажбурий тартибда кўриб чиқилиши лозим.
Эслатиб ўтамиз, 23 октябрь куни Ҳаммуд ҳудудидаги Георгий муқаддас черковида марҳумларни хотирлаш маросими вақтида қуролланган уч нафар шахс черковда бўлган одамларга қарата ўқ узган ва воқеа жойидан қочиб кетган. Кейинчалик улар куч ишлатар тузилмалар ходимлари томонидан қўлга олинган.
Қуролли ҳужум оқибатида тўққиз киши ҳалок бўлган, 34 киши жароҳатланган.
Актриса Барчин Ғофурова ва блогер "Кокош" қамалди
Россиядан АҚШга йўл олган учта дизель ташувчи танкер ҳам йўналишини ўзгартирди
Лавров Европа вакиллари устидан кулди
