Бу ҳақда Bloomberg хабар бермоқда.
Финляндия мудофаа вазири Антти Хакканеннинг фикрича, Россиянинг Россия Федерацияси билан чегарадош мамлакатларда НАТО мавжудлигини камайтириш ҳақидаги талаби — музокаралар чоғида АҚШ ва Европанинг қатъиятини синовдан ўтказишга қаратилган уринишдир.
"Ҳатто бундай таклифларни илгари суришнинг ўзиёқ ғоятда ғайриоддий ва қабул қилиб бўлмайдиган ҳолатдир. Россия буни яхши билади", — деди Хакканен жума куни Хелсинкида журналистларга.
"Сўнгги кунларда Россия АҚШ ва Европанинг қанчалик мослашувчан эканлигини синаб кўришга қарор қилгани аниқ кўриниб турибди. Россиянинг тинчлик музокараларига жиддий ёндашмаётгани аён; аксинча, у ўз талаблари доирасини кенгайтирмоқда — Украина урушидан ташқарига чиқиб, Европа хавфсизлик архитектурасини Россия фойдасига қайта қуришни кўзламоқда. Ғарб сиёсатчилари шуни англашлари керакки, бу Россиянинг ўнлаб йиллар давомида қўллаб келаётган психологик стратегиясининг бир қисмидир: музокара шартларини биз учун ноқулай бўладиган тарзда ўзгартириш. Биз уларнинг бу найрангига алданиб қолмаслигимиз лозим", — дея қўшимча қилди у.
АҚШ ва Эрон дастлабки келишувга эришиш сари илгариламоқда
"Европаликлар Абу-Дабига келишибди — майли, меҳмонхоналарида ўтираверсинлар"
Россиядан АҚШга йўл олган учта дизель ташувчи танкер ҳам йўналишини ўзгартирди
