Миллиардер Илон Маск ўзининг Х ижтимоий тармоғида сиёсий партия тузиш керакми ёки йўқми, деган саволга сўровнома ўтказди. Сайловчиларнинг 65,4 фоизи "Ҳа" вариантини босган. Овоз бериш тугагач, жаноб Маск Қўшма Штатларда "Америка" деб номланган янги сиёсий партия тузилганини эълон қилди.
"Мамлакат исрофгарчилик ва коррупция туфайли талон-тарож қилинса ва вайрон бўлса, бу демократия эмас, балки бир партиявий тизимдир. Бугун "Америка" партияси сизнинг эркинлигингизни қайтариб бериш учун яратилган", деб ёзган дунёдаги энг бой одам.
Тадбиркор аллақачон партиянинг тактикасини тақдим этган. У Сенатда атиги 2-3 ўрин ва Вакиллар палатасида 8-10 ўрин эгаллашга эътибор қаратмоқчи. "Қонун чиқарувчи органдаги энг кичик маржани ҳисобга олсак, бу мунозарали қонунлар бўйича ҳал қилувчи овоз бўлиб, улар халқнинг ҳақиқий иродасини акс эттиришини таъминлаш учун етарли бўлади", деб ёзган жаноб Маск Х ижтимоий тармоғида.
Буларнинг барчаси сиёсий драма фонида содир бўлмоқда: Илон Маск ва АҚШ президенти Дональд Трамп ўртасидаги жанжал. SpaceX асосчиси унинг рақиби Жеффри Эпштейн ишига алоқадорлигини даъво қилди ва бунга жавобан давлат раҳбари миллиардернинг лойиҳаларини давлат маблағисиз қолдиришни таклиф қилди.
Аёлларнинг пенсия ёши яна 6 ойга оширилди
Элдор Шомуродовнинг янги жамоаси маълум. У Италиядан кетмоқда
Жаҳонгир Ортиқхўжаев Анталяда 550 млн долларлик лойиҳа бошлагани маълум қилинмоқда
