Илон Маск республикачиларни қўллаб-қувватлаш учун 158 миллион доллар хайрия қилди

Миллиардер Илон Маск АҚШ Сенатидаги республикачиларни қўллаб-қувватловчи асосий Super PAC сиёсий қўмитасига 158 миллион доллар хайрия қилди, деб хабар беради CBS News.

Илон Маск 9 сентябрда Senate Leadership Fund PAC жамғармасига 75 миллион доллар, икки ҳафтадан кейин эса яна 83 миллион доллар ўтказган. Шу тариқа, унинг ушбу икки йирик хайрияси жорий йилнинг учинчи чорагида сиёсий қўмитага келиб тушган барча маблағларнинг ярмидан кўпини ташкил этди.

Маблағлар Техас штатидаги Сенат сайловларида республикачилар номзоди Кен Пакстонни қўллаб-қувватлашга мўлжалланган Texas PAC жамғармасига йўналтирилди. Пакстон Сенатдаги ўрин учун Демократик партия номзоди Жеймс Таларико билан рақобатлашмоқда.

Жеймс Таларико Техас штатида сўнгги 30 йилдан ортиқ вақт ичида ғалаба қозонган биринчи демократ бўлиши мумкин. Сўровномалар натижаларига кўра, у ўз рақибидан олдинда бормоқда. Агар Пакстон мағлубиятга учраса, республикачилар учун Сенатдаги устунликни сақлаб қолиш янада қийинлашади.