Энди Ўзбекистонда ўқитувчилар ортиқча қоғозбозлик билан шуғулланишмайди, асосий эътибор таълим сифатига қаратилади

Ўзбекистонда педагогларнинг асосий эътиборини таълим сифатига қаратиши учун ортиқча қоғозбозликни камайтириш ва тизим раҳбарлари ўтказадиган йиғилишлар сонини кескин қисқартириш режалаштирилмоқда.

Таълим ва илм-фан вазири Эркинжон Турдимов бу бўйича тақдимотлар билан танишди.

Муҳокамада мактабгача таълим ташкилотларида болаларни ривожлантириш ва мактабга тайёрлаш, умумтаълим мактабларида эса ўқитиш сифати ҳамда ўқувчиларнинг фанларни ўзлаштириш даражасини ошириш масалаларига алоҳида эътибор қаратилди.