ИИВ Президент топшириғи асосида Тошкент ва Фарғона вилоятларида криминоген вазияти оғир маҳаллалар учун ички ишлар органлари профилактика соҳасида кўп йиллик амалий тажриба ва самарали натижаларга эга пенсионерларни ишга қабул қилиш тартиби тўғрисидаги низомни тасдиқлашга доир идоравий буйруқ лойиҳасини ишлаб чиқди.
Ушбу Низом мазкур вилоятларда пенсионер ИИБ ходимларини шартнома асосида ҳуқуқбузарликлар профилактикаси фаолиятига жалб қилиш тартибини белгилайди.
Пенсионерлар шартнома асосида ҳуқуқбузарликлар профилактикаси фаолиятига ихтиёрий тартибда, ички ишлар органлари томонидан танлов асосида жалб қилинади.
Пенсионерларни ҳуқуқбузарликлар профилактикаси фаолиятига жалб қилиш чоғида танлов Тошкент вилояти ички ишлар бош бошқармаси ёки Фарғона вилояти ички ишлар бошқармаси раҳбари томонидан тасдиқланган криминоген вазияти оғир маҳаллаларнинг рўйхатидан келиб чиққан ҳолда йилда камида бир марта ўтказилиши мумкин.
Бунда ҳар йил бошида тасдиқланган криминоген вазияти оғир маҳаллаларнинг рўйхатидан келиб чиққан ҳолда ҳуқуқбузарликлар профилактикаси фаолиятига жалб қилиниши лозим бўлган пенсионерлар сонига аниқлик киритилади.
Пенсионерларни шартнома асосида ҳуқуқбузарликлар профилактикаси фаолиятига жалб қилиш учун тузиладиган шартномаларнинг амал қилиш муддати кейинги йил бошида криминоген вазияти оғир маҳаллаларнинг рўйхати тасдиқлангунига қадар амал қилади.
Шартнома асосида ҳуқуқбузарликлар профилактикаси фаолиятига жалб қилинган пенсионерларга ҳақ тўлаш тақдим этилган далолатномаларга асосан уларга тўланаётган пенсиясининг 100 фоизи миқдорда Ҳуқуқбузарликлар профилактикаси хизматининг ҳуқуқбузарликлар профилактикаси тизимини ривожлантириш жамғармалари маблағлари ҳисобидан амалга оширилади.
"Биздан Арманистон жанубини тортиб олишяпти, лекин буни ҳеч ким гапирмаяпти"
Ҳиндистон АҚШ ва ЕИнинг Россия нефть импортига қарши ҳужумларига жавоб қайтарди
Эронлик олимлар махфий тарзда Россияга борди
