Икки боксчимис бугун WBC Гран-присининг 1/8 финалида рингга чиқади

Саудия Арабистонининг Ар-Риёд шаҳрида WBC Гран-приси доирасидаги нимчорак финал жанглари давом этмоқда.

Бугунги кун доирасида ўзбекистонлик икки чарм қўлқоп устаси ўз жангларини ўтказади. Париж-2024 Олимпиадаси чемпиони, оғир вазнли Лазизбек Мулложонов WBC Гран-приси 1/8 финалида марокашлик Юнесс Баалага қарши рингга кўтарилади.

Апрель ойида ўтказилган дастлабки босқич доирасида Мулложонов панамалик Марвин Мендосани, Баала эса Дания вакили Мортен Гивсковни мағлуб этганди. Лазизбек проф боксда ҳозиргача 6 та жанг ўтказиб, уларнинг барчасида ғалаба қозонган. Юнесс Баала ҳисобида эса 3 та ғалаба бор.

Бугун шунингдек, ярименгил вазндаги боксчимиз Аюбхон Бахтиёров (6-0) ҳам чорак финал чиптаси учун рингга кўтарилади. Ҳамюртимиз Жон Болано (Колумбия, 4-0) билан тўқнаш келади. Ҳар икки боксчи ҳам ҳали проф фаолиятларида мағлубиятга учрамаган.

Эслатиб ўтамиз, кеча супер енгил вазннинг нимчорак финал жангида Мужибилло Турсунов (7-0) Алан Эзикель Дутра (Аргентина, 15-1)га фаолиятидаги илк мағлубиятни тақдим этганди.