Ҳусановсиз "Сити" "Лестер" билан ўйинда қийинчиликсиз ғалаба қозонди

Англия чемпионатининг 30-турида "Манчестер Сити" ўз майдонида "Лестер"ни мағлуб этди - 2:0.

"Шаҳарликлар"нинг голларига биринчи бўлимда Жек Грилиш ва Омар Мармуш муаллифлик қилди.

Ҳамюртимиз Абдуқодир Ҳусанов ушбу ўйин қайдномасига киритилмади.

"Манчестер Сити" очколарини 51 тага етказиб, АПЛ турнир жадвалида тўртинчи ўринга кўтарилиб олди. Чемпионатда қаторасига еттинчи мағлубиятни қабул қилиб олган "Лестер" (17) сўнгги поғонадан олдинги 19-ўринда бормоқда.