Ҳиндистонда Telegram 22 июнгача блокланди

Мамлакатда NEET тиббиёт имтиҳони материаллари тарқалиб кетгани сабабли мессенжерга кириш вақтинча чекланди, деб хабар бермоқда Reuters.

Ушбу ҳолат имтиҳонни бекор қилиш ва уни қайта ўтказиш учун янги сана белгилашга сабаб бўлган.

Қарор мамлакат Таълим вазирлиги томонидан Ахборот технологиялари тўғрисидаги қонун асосида қабул қилинган. Чеклов қайта имтиҳон ўтказилгунга қадар амал қилади.

Ҳукумат қайта имтиҳонни 21 июнга белгилади. Бу чора "фирибгар гуруҳлар томонидан 2026 йил 21 июнга режалаштирилган NEET 2026 қайта имтиҳонини топширадиган номзодларни алдаш учун платформадан уюшган ҳолда фойдаланишга жавобан" қабул қилинди, деди Таълим вазирлиги Миллий тест агентлиги.