Ҳиндистон Ҳинд дарёсининг Покистон томон оқимини тўсиб қўйди

Ҳиндистон тўғон ва каналлар орқали сув оқишини назорат қилувчи тўртта шлюзни ёпиб, Ҳинд дарёсининг Покистон томон оқишини тўсиб қўйди.

Бу ҳақда Ҳиндистоннинг ANI News агентлиги маълум қилди.

Қайд этилишича, бу 1960 йилда Ҳинд сувлари тўғрисидаги келишув имзоланганидан бери бундай блокаданинг биринчи ҳолатидир. Кейин томонлар сиёсий зиддиятларга қарамай, ресурсни бўлишишга келишиб олишган.

Покистон аввалроқ Ҳиндистоннинг Ҳинд дарёсидан сув оқимини тўхтатиш ёки бошқа томонга йўналтириш бўйича ҳар қандай уринишини уруш ҳаракати сифатида кўришини айтган эди.