ҲАМАС биринчи гаровга олинганларни ҳафта охирида озод қилади

ЦАҲАЛ 33 гаровдагининг оилаларига Исроилнинг ҲАМАС билан келишувининг биринчи босқичида уларнинг яқинлари озод этилиши кераклигини маълум қилди. Биринчи асирларни 19 январда озод қилишлари мумкин.

Исроилнинг ўғирлаб кетилганлар ва бедарак йўқолганлар ишлари бўйича бошқармаси 2023 йил 7 октябрь куни Исроилга қилинган ҳужум пайтида ҲАМАС ва бошқа фаластинлик гуруҳлар томонидан асирга олинган 33 нафар гаровдагининг оилаларини ҲАМАС ва Исроил ўртасидаги битимнинг биринчи босқичида уларнинг яқинлари озод этилиши кераклиги ҳақида расман хабардор қилди. Бу ҳақда 17 январь, жума куни озод этилиши керак бўлганларнинг рўйхатини эълон қилган Исроил оммавий ахборот воситалари хабар берди.